皇马拒借场地

今届西班牙盃锦标会由巴塞及毕尔包争夺,不过,决赛场地至今仍未落实,事关双方都希望喺皇马主场班拿贝球场上演,可惜被皇马一口拒绝。据悉,皇马已正式通知西班牙足总,表明班拿贝球场绝对唔会承办今届西班牙盃决赛。佢哋唔肯借出场地嘅理由,係因为届时球场将会换草皮、保安压力太大,以及西班牙盃决赛有可能同皇马嘅活动有冲突等等。

不过,普遍西班牙传媒都认为,皇马唔肯借场,係唔想宿敌巴塞喺佢哋地头庆祝,而巴塞选择喺班拿贝球场踢决赛,亦只係希望喺皇马主场羞辱宿敌。个人认为,西甲仲有好多唔错嘅球场,何必一定要喺班拿贝呢?调返转谂,假设今届西班牙决赛係皇马对毕尔包,皇马要求喺鲁营球场举行,巴塞亦未必肯制啦!呢种尴尬场面,可免则免,都係唔好搞咁多事!

上一篇: 下一篇: